CARNOVIA

CARNOVIA

oppid. Silesiae, regiunculae cognominis caput, ad Oppam fluv. Cum castro splendido, Fagerndorff. 3. leuc. ab Oppavio 4. a Ratiboria. Ducatus est, quem ex Piastea Silesiorum Principum gente postremus habuit Wenceslaus, cuius filia Barbara, Iohanni e Teschinensi prosapia, et hoc a Polonis caseo, A. C. 1473. Georgio Baroni Schellenbergio nupta, eum sua e domo primum ad Teschinenses, inde ad Schellenbergios transtulit. Unde forte ortum, quod Dyuastiarum locô aliquibus habitus fuerit. Postea Schellenbergiorum supremi obitu, A. C. 1500. vacuefactum Uladislaus Bohemus Regno adiecit: a cuius filio Ludovico Georgius Pius Brandeburgens. tulit A. C. 1524. in praemium tutelae fideliter gestae et navatae varia per officia operae; quod a successore Ferdinando I. eâ conditone confirmatum est, ut feudi nomine eum haberet. Huius in filio Georgio Friderico lineâ exstinctâ A. C. 1603. Ducatum Ioachimus Frideric. Elector sortitus est, a vivo adhuc Patre in Iohannem Georgium fil. translatum, qui partibus Palatinis et turbis Bohemicis immixtus, ideo a Ferdinando II. proscirptus est, et sine prole decessit A. C. 1624. Datus post Ducatus cum quibusdam aliis Principi Liechtenstenio, ab Electore nequiquam hactenus repetitus est, centum milia thalerorum, quos eadem flagitanti Caesar quondam obtulerat, generose aspernante: qui interea retinuit titulum, retenti iuris indicem iacturaeque qualecumque solatium. Tob. Pfannerus de praecipuis Germaniae Principum Gentib. c. 4. Vide quoque in voce Fegerndorffium.